ნაყოფიერების შენარჩუნება სიმსივნის მკურნალობის დაწყებამდე
სიმსივნის დიაგნოზის მიღება რთული და ემოციურად დატვირთული გამოცდილებაა. მკურნალობის დაგეგმვისას ხშირად მეორეხარისხოვნად რჩება მნიშვნელოვანი კითხვა: შეიძლება თუ არა, რომ მომავალში შვილი მყავდეს?
ონკოფერტილობა რეპროდუქციულ და ონკოლოგიურ მედიცინას შორის დამაკავშირებელი სფეროა. იგი ეხმარება პაციენტებს — ქალებს, კაცებს და მოზარდებს — შეინარჩუნონ ბიოლოგიური შვილების ყოლის შესაძლებლობა მაშინ, როცა სიმსივნის მკურნალობას იწყებენ.
რეპროარტში ჩვენ გთავაზობთ დროზე მორგებულ და ინდივიდუალურ მიდგომას. ჩვენი მიზანია, დაგეხმაროთ მკაფიო არჩევანის გაკეთებაში და იმედის შენარჩუნებაში, მაშინაც კი, როცა ცხოვრება გამოწვევებით სავსეა.
რატომ არის ნაყოფიერება საფრთხის ქვეშ?
შესაძლოა, სიმსივნური დაავადების მკურნალობამ (ქიმიოთერაპიამ, სხივურმა თერაპიამ) სპერმისა თუ კვერცხუჯრედის წარმოქმნის უნარი შეამციროს და რეპროდუქციული ფუნქციის დაქვეითება ან, ხშირ შემთხვევაში, როგორც ქალის, ისე კაცის უნაყოფობა გამოიწვიოს.
ინ ვიტრო განაყოფიერების კლინიკა რეპროარტი რეპროდუქციულ ფუნქციას თქვენი სპერმის, კვერცხუჯრედების ან ემბრიონების კრიოპრეზერვაციის საშუალებით შეგინარჩუნებთ.
კრიოპრეზერვაცია უნდა განხორციელდეს სიმსივნის მკურნალობის დაწყებამდე. შესაძლოა, სწორედ ეს პროცედურა გახდეს თქვენი ერთადერთი შანსი შვილის ყოლისათვის მომავალში.
რეპროარტში ნაყოფიერების შენარჩუნების გზები
ქალებისთვის:
კვერცხუჯრედების გაყინვა — საკვერცხეების სტიმულაციის შემდეგ, დაახლოებით 6–12 დღეში, მსუბუქი ანესთეზიით ხდება კვერცხუჯრედების ამოღება და მათი ვიტრიფიკაცია (მაღალსიჩქარიანი გაყინვა).
ემბრიონების გაყინვა — კვერცხუჯრედის განაყოფიერება პარტნიორის ან დონორის სპერმით და ემბრიონის გაყინვა ბლასტოცისტის სტადიაზე. რეპროარტში ინ ვიტრო განაყოფიერების (ე.წ. ხელოვნური განაყოფიერება) ყველა ციკლში მრავალი ბლასტოცისტის (ემბრიონის განვითარების სტადია) მიღება შეგვიძლია.
წარმატების მაჩვენებელი: გაყინვა-გამოლღობის შემდეგ ჩვენს კლინიკაში ბლასტოცისტების 98% გადარჩება. ერთი ან ორი ასეთი ბლასტოცისტის გადატანით კი თქვენ ორსულობის ისეთივე შესაძლებლობა გექნებათ, როგორიც გაუყინავი ბლასტოცისტების გადატანისას. წარმატების მაჩვენებელი ამ შემთხვევაში 65%-ია.
მამაკაცებისთვის:
სპერმის გაყინვა — ერთ ვიზიტზე ხდება ნიმუშის ჩაბარება და შემდეგ მისი ანალიზი და გაყინვა.
წარმატების მაჩვენებელი: სპერმის გაყინვისა და გამოლღობის შემდეგ მოძრავი სპერმატოზოიდების დაახლოებით 50% ისევ მოძრავი იქნება. ეს კი ნიშნავს, რომ სპერმატოზოიდების რაოდენობა კვერცხუჯრედის განაყოფიერებისთვის სრულიად საკმარისია.
ერთი ეაკულატი მხოლოდ ერთი ინსემინაციისთვისაა საკმარისი, თუმცა რეპროდუქციულ კლინიკა რეპროარტში შეგვიძლია ერთი ეაკულატი ბევრ კონტეინერში ისე გავყინოთ, რომ თითეული მათგანი საკმარისი რაოდენობის სპერმატოზოიდებს შეიცავდეს. ორსულობის მისაღწევად, საჭიროების შემთხვევაში, ინტრაციტოპლაზმური სპერმის ინექციით (ICSI) ინ ვიტრო განაყოფიერებისთვის რამდენიმე მცდელობის საშუალება გექნებათ.
როგორ ხდება ონკოლოგიური პაციენტის მართვა?
ონკოლოგიური დიაგნოზის დასმის შემდეგ თქვენ შეგიძლიათ პირველ რიგში კონსულტაცია დაგეგმოთ რეპროდუქტოლოგთან. ექიმი შეაფასებს თქვენს რეპროდუქციულ ჯანმრთელობას და თქვენს მკურნალ ონკოლოგთან ერთად განიხილავს თქვენს შემთხვევას, რათა მასთან შეთანხმებით დაიგეგმოს თქვენი ნაყოფიერების შენარჩუნების ყველა ეტაპი.
როდესაც სიმსივნის დიაგნოზი მივიღე, მხოლოდ მკურნალობაზე ვფიქრობდი — მაგრამ რეპროარტში შემახსეს, რომ მომავალზეც უნდა მეფიქრა. მათმა გუნდმა სწრაფად და ზუსტად მომაქცია ყურადღება. დღეს ვიცი, რომ შვილის ყოლის შანსი კვლავ მაქვს
რეპროარტის პაციენტი
2025 წელი
ხშირად დასმული კითხვები (FAQs)
თუ გაქვს შეკითხვები მოგვწერე ფეისბუქის ოფიციალურ ვებ გვერდზე ან დაგვიკავშირდი კლინიკის ნომერზე
უკვე დავიწყე ქიმიოთერაპია — მაინც შემიძლია ნაყოფიერების შენარჩუნება?
ზოგიერთ შემთხვევაში — დიახ. ყველაფერი დამოკიდებულია მკურნალობის ეტაპზე და თქვენს ზოგად მდგომარეობაზე. გირჩევთ, რაც შეიძლება მალე დაგვიკავშირდეთ შეფასებისთვის.
უნდა გავესაუბრო ჩემს ონკოლოგს, თუ გადავწყვეტ ნაყოფიერების შენარჩუნებას?
აუცილებელია, რომ ონკოლოგიური მკურნალობის დაწყებამდე განხილულ იქნას ნაყოფიერების შენარჩუნების შესაძლებლობა. რეპროარტის გუნდი მუშაობს მჭიდრო კოორდინაციით ონკოლოგ კოლეგებთან, რათა კრიოპრეზერვაციის პროცესი დროულად და მკურნალობის გეგმასთან შეუფერხებლად იყოს შეთანხმებული. საჭიროების შემთხვევაში, ჩვენ ვეხმარებით პაციენტს კომუნიკაციაში და უზრუნველვყოფთ სამედიცინო დოკუმენტაციის სწრაფად გაცვლას.
მეშინია, რომ დრო არ მექნება — თუ გადავწყვეტ კრიოპრეზერვაციას, ხომ არ დავაგვიანებ ონკოლოგიურ მკურნალობას?
ეს შიში სრულიად ბუნებრივია. ჩვენი მიზანია, კრიოპრეზერვაციის პროცესი მაქსიმალურად სწრაფად და ეფექტურად განხორციელდეს — ისე, რომ არ შეფერხდეს თქვენი ონკოლოგიური მკურნალობა. რეპროარტის გუნდი თითოეულ ეტაპს ონკოლოგთან შეთანხმებით გეგმავს და საჭიროების შემთხვევაში პროცედურის დაწყება 24–48 საათში შეგვიძლია. დრო მნიშვნელოვანია — და სწორედ ამიტომ ვართ თქვენს გვერდით თავიდანვე.
