რატომ არის დნმ-ის ფრაგმენტაციის ტესტი მნიშვნელოვანი?
მიუხედავად იმისა, რომ სპერმის სტანდარტული პარამეტრები შეიძლება ნორმის ფარგლებში იყოს, დნმ-ის ფრაგმენტაციის მაღალი მაჩვენებლები შეიძლება:
- ხელს უშლიდეს განაყოფიერებასა და ემბრიონის განვითარებას
- ხელს უშლიდეს ემბრიონის მიმაგრებას, ან ზრდიდეს სპონტანური აბორტის რისკს
- იყოს უშედეგო ინ ვიტრო განმაყოფიერების მიზეზი.
დნმ-ის ფრაგმენტაციის მაღალი მაჩვენებლის აღმოჩენა ექიმს ეხმარება განსაზღვროს პაციენტისთვის მკურნალობის ყველაზე ეფექტური მეთოდი.
ნორმალური დნმ – ის ჯაჭვი
ფრაგმეტული დნმ – ის ჯაჭვი
როდის არის რეკომენდებული სპერმის დნმ-ის ფრაგმენტაციის ტესტი?
სპერმის დნმ-ის ფრაგმენტაციის ტესტის გაკეთება რეკომენდირებულია შემდეგი ჩვენებების დროს:
- გაურკვეველი წარმომავლობის უნაყოფობა
- წარსულში, ემბრიონის განვითარების შეჩერება
- მრავალჯერადი წარუმატებელი ინ ვიტრო განაყოფიერებით მკურნალობა
- პარტნიორთან მრავლობითი შეწყვეტილი ორსულობები
- ხანდაზმული ასაკი
- ვარიკოცელე
- არაჯანსაღი ცხოვრების წესი
- სპერმოგრამის დაბალი მაჩვენებლები
როგორ ტარდება სპერმის დნმ-ის ფრაგმენტაციის ტესტი რეპროარტში?
სპერმის დნმ ფრაგმენტაციის ტესტის დროს ნიმუშის მიღება, ისევე როგორც სპერმოგრამის დროს მასტურბაციის გზით ხდება. პაციენტი ანალიზს აბარებს კლინიკაში არსებულ სპეციალურ, სუფთა და იზოლირებულ სივრცეში. სურვილის შემთხვევაში შეუძლია სპერმის რეპროარტში მოტანა, აღებიდან არაუმეტეს 30-40 წუთში. ტესტის დროს:
- ითვლება იმ სპერმატოზოიდების პროცენტული მაჩვენებელი, რომელთაც აქვთ დაზიანებული (ფრაგმენტული) დნმ.
- შედეგები აღიწერება როგორც დნმ-ის ფრაგმენტაციის ინდექსი (DFI) — რაც უფრო მაღალია მაჩვენებელი, მით უფრო მეტად არის დნმ დაზიანებული.
სპერმის დნმ ფრაგმენტაციის ტესტის გაკეთებამდე აუცილებელია:
როგორ იშიფრება თქვენი ანალიზის შედეგები?
რეპროარტში, თქვენი ექიმი (რეპროდუქტოლოგი, ან უროლოგ-ანდროლოგი) დეტალურად აგიხსნით:
- დნმ ფრაგმენტაციის რა პროცენტული მაჩვენებელი შეესაბამება ნორმას
- არის თუ არა საჭირო ანტიოქსიდანტური თერაპია
- არის თუ არა საჭირო ცხოვრების წესის შეცვლა
- არის თუ არა საჭირო თანმდევი დაავადებების მკურნალობა (მაგ., ვარიკოცელე)
- არის თუ არა საჭირო ინ ვიტრო განაყოფიერების ICSI მეთოდით გაკეთება
რა უნდა გაითვალისწინოთ?
ტესტის გაკეთებამდე აუცილებელია:
- 1-3 დღიანი თავშეკავება სქესობრივი ცხოვრებისგან და მასტურბაციისგან
- 7-10 დღიანი თავშეკავება ალკოჰოლის მიღებისგან
- შეწყვიტე, ან შეამცირე თამბაქოს გამოყენება
- 2-3 დღიანი თავშეკავება სხეულის გადახურებისგან (მაგ: საუნა, ცხელი აბაზანა)
- გაფრთხილეთ ექიმი თუ იყენებთ რამე მედიკამენტს, დანამატს, ან თუ ახლახან გაქვთ გადატანილი რამე ტიპის დაავადება
ხშირად დასმული კითხვები (FAQ)
თუ სპერმოგრამა ნორმაშია, ნიშნავს ეს რომ დნმ არ არის დაზიანებული?
არა, ყოველთვის ესე არ არის. შესაძლოა ნორმალური რაოდენობისა და მოძრაობის მქონე სპერმატოზოიდებსაც ჰქონდეთ დნმ-ის მაღალი ფრაგმენტაცია.
შეიძლება განმეორებითი ეაკულაციის შემდეგ დნმ-ის ფრაგმენტაცია უფრო ნაკლები იყოს?
დიახ, ხშირ შემთხვევაში შესაძლებელია რომ მომდევნო ეაკულაციისას უკეთესი შედეგი იყოს.
სპერმის დნმ ფრაგმენტაციის ტესტთან ერთად სპერმოგრამის გაკეთებაც დამჭირდება?
არა, ორივეს გაკეთდება ერთდროულად არ დაგჭირდებათ. სპერმის დნმ ფრაგმენტაციის ტესტში სპერმოგრამის მაჩვენებლებიც განისაზღვრება,
დნმ ფრაგმენტაციის ტესტი მტკივნეული პროცედურაა?
არა, უმტკივნეულო და არაინვაზიური ტესტია.
შედეგები რამდენ ხანშია ცნობილი?
შედეგები ცნობილია 1 ან 2 სამუშაო დღეში.
რა შეიძლება იყოს სპერმატოზოიდების მაღალი დნმ ფრაგმენტაციის მიზეზები?
ამის მიზეზები შეიძლება იყოს: გადატანილი ინფექცია, ლეიკოციტოსპერმია, სათესლე ჯირკვლის მომატებული ტემპერატურა, ვარიკოცელე, ხანდაზმული ასაკი, დიეტა, თამბაქოსა და ნარკოტიკის მოხმარება და სხვა.
